Berikut ini adalah satua Bali atau Cerita Bali yang berjudul Sang Lubdaka. Naskah ini dapat dipergunakan dalam lomba mesatua maupun menghibur anak-anak dengan menyelipkan nasihat dan ajaran agama.
OM SWASTYASTU
Ada katuturan satua Sang Lubdaka
Geginane Sang Lubdaka wantah maboros ketengah alase.
Nah nuju dina melah pangelong ne pingit, ping pat belas, sasih kapitu nujonin pasemengan lantas ia majalan nganggo baju barak ulem, ngaba panah tur ngungsi alas sane madurgama munggah munduk tedun jurang tukad pangkung kapanggihin. Wenten bale kodi linggih nangun tapa kaungkulin taru bringin.
Sane mangkin ceritayang pejalane Sang Lubdaka maring alas, tur mapikolih baburonan. Saget sampun tampek wengi Sang Lubdaka lesu pisan bedaknyene tan sinipi. Raris mararyan ring sisin toya danune sane luwih. Danu punika kaungkulin taru bila, daunnyene lintang luwih, tan pendah sanjata. Sanjata ngaran gegelaran anggen bakti ring Hyang Widhi. Raris Sang Lubdaka munggah ring taru bilane. Sayan wengi takut Sang Lubdaka, yening pules sinah ala raga runtuh pacang mati amah macan.
Sane mangkin Sang Lubdaka ngelah daya, don bilane kepetik sake bidang maring toya katibanin. Ngepik daun tan pararyanan abidang-abidang nuli katibakang maring toya, nika tamba kiap sane becik.
Gelising satua enggal, saget galang linggan Siwa kakenenin. Dening sampun galang lemah, Sang Lubdaka wawu eling pacang budal, raris tedun tur memargi.
Ceritayang mangkin sampun rawuh ring umahnyene, dapetange oka rabine metetangisan. Kadena Sang Lubdaka kabancura maring margi tengah alas. Santukan burone galak-galak. Saget mangkin wawu prapta. Lingnyene tansinipi raris nyapa wawu beli rawuh sengguh titiang beli ala.
Inggih sane mangkin pangelonge ping pat belas sasih kepitu kaucap nika wantah margi suci pabersihan sarwa mala.
Sawireh Sang Lubdaka manginutin yoga tapa brata sane suci, duke Siwa Ratri, Sang Lubdaka kaicen panugraan olih Ida Batara Siwa. Jani cening nampi kaluihan ring Siwa loka masarengan ring dewata.
Yan cutetang titiang satuane Sang Lubdaka yadiastun ipun mekardi himsa karma nanging Sang Lubdaka teleb teken tapa brata, melek ring rahina Siwaratri, kanikayang bakti ring Batara Siwa mawinang Sang Lubdaka molih genah sane becik.
Inggih amenika dumun, badung mangupura meli amed ke petang kirang langkung titiang nunas ampura tambet titiang kalintang.
Puputang titiang antuk parama santi.
OM SANTI SANTI SANTI OM.
Satua Bali yang berjudul Sang Lubdaka adalah cerita ringkasan tentang perjalanan seorang Lubdaka, yaitu tokoh utama dalam Lontar Ciwalatri Kalpa. Dimana menceritakan kisah perjalanan seorang pemburu yang akhirnya memperoleh pengampunan dosa karena dia menyadari dosa-dosa yang diperbuatnya dalam malam Renungan Suci atau Malam Ciwaratri. Dimana adalah malam suci saat Dewa Siwa beryoga samadhi.
0 komentar:
Posting Komentar