Satua Bali I Lutung Masewitra teken I Kakua. Kali ini adalah sebuah cerita Bali atau satua Bali yang berjudul Si Kera berteman dengan di Kura-Kura. Silakan dibaca dan dihayati.
"Om
Swastyastu"
I Lutung
masewitra teken i Kakua.
Ada katuturan satua, I Lutung masawitra teken I Kakua. I Lutung sedek
ngetis di beten punyan kayune. Saget dingeha I Kakua maseselan. Beh kene suba
lacure hidup manumadi sabilang sasih ujan. Sukeh pesan ngalih amah, yen mekelo
kene sing buwungan deweke lakar mati. Nah mara ningeh munyi keto, i Lutung
maekin tongose ento. Saget tepukina i Kekua berag arig sajan mirib tuna amah.
Lantas i lutung matakon, "ih kekua, suud monto maselselan. Ne awake
nepukin tongos melah pesan, ditu dauh tukad cengcenge ada pondok. Ento pondok I
kaki perodong. Di sisin abiane bek misi punyan biu. Mirib jani suba pada nasak".
Beh mara ningeh munyin i lutunge keto, jeg prajani ilang sedukne i kekua wareg
tan paneda. I Kekua danen kenehne lakar maan ngamah biu nasak i kekua lantas
ngomong. Aduh sang lutung kenkenang kema sawireh pondokne ento joh pesane.
Tukad cengcenge linggah buine keweh pesan ngliwat kema. Mare keto munyine i
kekua lantas i lutung masaut, "Beh belog iba kekua! Cai kaden duweg
ngelangi yen tuah cai satimut. Jalan kema sibarengan. Gandong awake ngliwatin
tukad. Yen suba neked ditu awake menek punyan biune cai ngantosang beten di
bongkolne. Yen maan biu tetelu, cai abesik, awake dadua".
Gelisang satua enggal, mejalan kone ajake dadua ngliwatin tukad cengcenge.
I lutung magandong di tundun kekuane. Ngesir pejalane i kekua nuut yeh wireh ia
duweg ngelangi. I lutung sambilanga kejengat kejengit negak di tundun kekuane,
lantas sebarengan mejalan.
I lutung tolah - tolih ngiwasin i kaki parodong. Sahebne kangin sing ada,
sahebne kauh sing ada. Sahebne kaja mase tusing ada. Sing tawange i kaki
prodong ada di tengah pondokne. I lutung ngaden pondokne suung. Enggalang ia
menek ke punyan biune ane sedeng mabuah nasak. I kekua ngantosang di bongkol
punyan biune.
Gelisang satua i lutung ngempok biu mas duang bulih, tur peluta amaha
makadadua sambilanga kejengat kejengit. I kekua baanga kulitne dogen. Sedeng
iteh i lutung ngamah biu lantas i kaki prodong teka ngaba tumbak lanying tur
ngomong. Bah, ne i lutung ngamah biune. Jani lakar matiang, mare dingeha munyin
i kaki prodonge keto i kekua mengkeb di beten punyan biune. I kaki prodong
majalan adeng-adeng ngintip i lutung.
I lutung kaliwat demen kenehne ngamah biu nasak tusing tawange dewekne
ketekan baya. Sedeng itehe i lutung ngamah biu lantas ke tumbak baan i kaki
prodong beneng lambungne. I lutung maglebug ulung ke tanahe lantas mati.
Bangkene i lutung tatade ka pondokne.
Nah keto suba upah anake demen memaling tur demen nguluk-nguluk timpal. Yan
dados tunas titiang sampunang nulad laksanane i lutung.
Inggih amunika presida antuk titiang nuturang satuane i lutung masewitra
teken i kekua. Jukut kangkung masambel sere, kirang langkung titiang nunas
ampura. Puputang titiang antuk parama santi, Om Santi Santi Santi, Om.
Ya demikianlah sebuah satua Bali yang dapat digunakan sebagai contoh naskah satua Bali untuk perlombaan baik di SD SMP dan SMA. Satua Bali ini dapat dideklamasikan atau dibacakan kepada anak-anak sekolah dan dijelaskan makna dari cerita ini.
